Rikon' Space

上回提到, 小弟琴琴青收拾好包袱趕到碼頭
幸好時間尚早, 可以姿姿柔柔咁慢慢等, 然後check-in, 入閘

入到閘, 走到盡頭的候船室, 還有30分鐘先開船
獨個兒坐係候船室, 旁邊係阿拉巴阿叉, bilibala好鬼嘈, 阿叉們好中意金色, 手機選金色, 戴金戒指, 金頸鏈, 係咁係度唔知講咩
再隔離係韓國老翁同佢老婆, 佢地checkin時我見佢地係行super class戈條line ge~所以非富則貴, 屈就佢地同小弟坐埋一個候船室
對面係香港人或者澳門人, 共四個, 一直傾過唔停, 三人坐下, 一人立於旁, 唔知有咩咁好傾
周圍仲有好多人, 主要係韓國女人們, 歐洲男女, 阿拉伯或印度阿叉, 仲有澳門/香港家庭
但，只有我係一個人
一個人攬住個背囊, 拎住部腦, 無所事事, 呆坐了半句鐘
然後上船
我的位置旁邊沒有人, 隔了條走道, 對住戈四位香港/澳門男女, 他們一上船就都睡着了
船上挺冷的, 吸收了上次去香港ge經驗, 我帶了長袖衫, 穿上了
不一會, 我也睡着了
「先生, 船到了」我是被拍醒的, 船務員告訴我船已到了海天客運碼頭,
我四周張望, 船上只剩我跟他

我急步走出船, 踏上碼頭, 走到領取行李的地方
我的大喼佇立於職員旁邊, 待人認領
我同佢講個喼係我ge, 佢話:你米攞lo
我將大喼拖到一旁, 回憶着剛才係船上我係點訓着ge, 點會D人走曬都唔知,, 回憶比船務員拍醒 好瘀戈一幕
良久, 另外戈個袋都出來了, 我攞埋個袋, 大包小包的, 信步到韓亞航空的5號櫃位
到櫃位前, 空姐問我: Asiana?
我沒反應過來, 後面又有位先生同埋一家大細過黎, 佢又講Asiana?韓亞航空?去戈邊個櫃位丫~
佢就係咁指左我去1號櫃枱, 最多人戈條line, 剛剛的一家大細仲扒左我頭, 我排隊尾
冇手攞護照同機票, 狼狽了一會, 終於排到我了
側邊坐了一個估計英文極差的韓國老人, 空姐叫我等一等, 佢先搞店個老人先
結果個老人都搞店了,然後我把大喼與大袋過磅
這時幾乎所有空姐都擠到我這個櫃位來, 因為佢地都等住收工
空姐問左我少少野, 問我係LA的地址, 我話唔到比佢知, 於是用一大輪解釋黎代替
最後佢叫同事攞左我張Confirmation同張DS-2019去影印, 然後比我過
這時我已發現全場又淨返我一個了
不遠處安全檢查的位置, 職員阿姨對裏面, 等多陣呀, 仲有一個呀
我又飛奔到安全檢查處, 放下電腦, 背包, 過金屬探測器
職員話背囊裏面有水, 我話:係wor,,等我飲埋佢
佢話: 仲飲? 巴士唔等人呀, 隨手就將我僅餘ge少少水倒左
同時, 身後又有個阿姨遞隻手埋黎, 「退稅券呢? 退稅券呢?」
我係褲袋扲左張券出黎, 佢一手就搶過去, 另一手就塞左百二蚊落黎
然後我拎好曬D野, 即刻跑出去, 上了當日最後一輛前往香港赤鱲角機場ge巴士

巴士行的路好窄, 仲窄過澳門D路,
中間途經亞洲國際博覽館, 車上的人話: 嘩~咁多車ge?
另一人回應: 賑災呀嘛
哦,, 就係88台灣風災籌款晚會
之後, 巴士就到了
機場蠻好看的, 雖然好簡單, 幾塊幕, 加盞燈, 但出黎效果好豐富
之後到了23閘口, 找到了超琼, 聊了一會, 肚子餓, 食左碗味千拉面(機場價黎講, 唔算特別貴),
當時已經十一點了, 冇打比屋企, 用左一蚊打左比tony..
跟住就登機了, 第一次登上國際航班, 第一次飛去第二個時區
全機都係韓國空姐, 唔知佢地UP乜, D英文廣播同大陸機差唔多
不過D野食幾精緻, 好唔好食就見仁見智
但佢地全部態度都超好, 好似欠左你咁
佢地D表情又超豐富, 途中一空姐跌左個礦泉水樽蓋落乘客身上, 佢即刻變曬樣咁, 好似D阿媽求人唔好打佢個仔咁.. 我訓醒戈陣唔知降落緊, 想起身去廁所, 佢又係超肉緊咁撲埋黎叫我坐返低
就係咁, 我地就跨越到另一個時區, 係(GMT+7)4點9左右到左韓國首爾仁川國際機場

係機場我地有十一個鐘頭要等, 沒想到等轉機的呢十一個鐘一點也不難過
先搵左個睇電視ge地方訓左陣, 訓醒就已經當地時間十二點幾, 跟手我地就去搵野食
行左好耐, 係戈幾檔野之間兜黎兜去, 最後揀左個奄列, 6900圜, 碌下我人生的第一卡
食飽飽, 又返返上去休息室度上網, 上到無聊, 攞埋D野落返去D舖頭度行下
D舖頭間間都係名牌子, 一係就貴到痴根, 根本冇一間係我地會入去ge
不過好彩佢有D應該係旅遊局開ge舖頭, 比人免費體驗韓國文化,
有得睇人玩韓國傳統樂器, 有得自己做手工, 有D仲有得玩韓國傳統遊戲, 着韓服
我心思思左一陣, 都係着左套韓服玩下~haha
着埋, 又夠鐘行返去登機口登機lu
去到41號閘口, 同其餘四人會合返, 等多一陣, 又登上B747-400客機, 開始11個鐘ge飛行了, 這時是(GMT+9)16:30
途中連唯一ge娛樂---前面張椅背後個mon---都壞埋, 咁我諗就冇咩好記低的了
呢十一個鐘 就係訓下, 食下, 借超琼個mon睇左套17 Again, 咁就過去了, 到達LAX
到左LA, 冇咩特別感覺,, 除左機場特別舊, 水龍頭特別大碌
好快就出到去
推住行李, 沿路沒看見有人舉住我個名ge牌, 心裏在想, 唔知點搵我buddy Billy
點知跟住就有個黑人走埋黎問我, 係唔係exchange student to USC, 問我識唔識Rikon
WOW~~~我同佢講, I AM! 估唔到咁易搵到, 這時係 (GTM -8) 18號中午12:00
我由18號下午4點半飛返去18號12點~哈哈
然後billy渣佢問阿媽借ge小小私家車黎, 車我到USC
佢問我有冇其他野需要準備, 我話電話同電話卡
咁佢就車左我去一間T-mobile, $20一個最基本ge電話連卡, 再充左$50 400分鐘的通話時間
然後佢就車我到CSC, 搞店check in ge野, 攞埋房匙, 前往我的宿舍
我地放低D野, 佢再車我去買水, 買枕頭被鋪
買野ge過程體會到, 美國人好慢, 甚至比澳門人還要慢,
佢地d收銀員做野好慢, 條隊排到好長
仲有就係, 超市裏面所有野 由made in china, 變成 product of USA
買完野
返宿舍 執房 食晚飯(Wendy's)
好眼訓, 此為EXCHANGE第一日之結。