Rikon' Space

本身較左九點鬧鐘, 結果起身ge時候已經十點
張弛一行人已經係wendy's, (又係wendy's唉)
Billy打比我話佢黎搵我, 然後我地就一齊去搵埋張弛佢地
我地先去了解下D手機ge行情, 佢地又心郁郁想買blackberry
然後再去學校入面交錢
點知我張卡唔知點解碌唔到...交唔成(開頭以為唔見左銀包, 仲嚇死我)
之後就係學校兜左個圈
跟住行左好Q耐, 去左Ralphs買野
係Ralphs行左冇耐, 佢地覺肚餓, 就一齊到旁邊一家寫住Hong kong ge餐館食
裏面D格局其實就係澳門街 十二蚊飯盒三餸一湯咁樣
個老細係台山人, 廣東話普通話英文都唔標準
大家都勉強聽, 結果就聽個老細講左好耐, 好好傾
佢仲話我地知附近岩岩有人比人打劫, 此時係中午一點幾, 日光日白
大家問左佢好多邊度D野平, 點去唐人街之類ge問題
然後我問佢有冇唔要ge紙皮箱, 可唔可以比我攞返去做垃圾桶
佢好好人, 洗左兩個佢用黎裝豉油, 但好似屋企裝梘粉咁樣ge大桶比我地,
我仲攞多左個細紙皮箱, 然後再返返ralphs度買野,
山長水遠走到黎, 我興奮地買左洗頭水同沐浴露, 發現同澳門價錢差唔多
仲一人買左五杯酸奶, 湊夠20杯$10
最後仲搞埋會員卡, 有得平, 埋單三十幾蚊, 超過廿五蚊有得坐shuttle返屋企
結果我地選係superior度落車, 入去再掃過
我又買左卷廁紙, 買左條麵包, 一支野飲, 一樽果jam, 仲有蘋果,香蕉, 埋單又八個幾
然後再掃埋Dollar Dollar, 類似美式十蚊店咁, 好多野都係1 dollar,
咁我又執左垃圾袋、洗衣粉, 真係滿載而歸

返到宿舍, 發現同房已經到左, 不過D野擺曬係度, 人就唔見左
睇佢D野, 似乎係個運動健將
然後我懷住期待又緊張ge心情, 一路係度打呢篇野, 一路趙剛剛買的面包+果JAM, 一路飲岩岩買ge $0.79 九百幾毫升的運動飲料,, 一路等我同房返黎
本身想今日去搞埋PPV, 去CSC問埋D野, 去交埋錢, 結果一樣都冇做到，是為第二日。